CCM NA CUF WAONYESHA UMWAMBA WA KUTWANGANA MAKONDE KUGOMBEA UWANJA

BOFYA HAPA CHINI KUONA MAAJABU YA LEO

 

MVUTANO mkubwa umeibuka miongoni mwa Wafuasi wa vyama vya CCM na CUF kiasi cha kufikia kuonyeshana umwamba wa kutwangana makonde ,baada ya makada hao kugongana katika viwanja vya Buguruni Chama na kudai kila mmoja ana haki ya kuutumia kufanya mkutano wa hadhara.

Mvutano huo ulisababisha Polisi kuingilia kati na kuwatawanya wafuasi hao kisha kuwaruhusu CUF wafanye mkutano wao kwa kuwa ndiyo waliokuwa na kibali halali.

Kamanda wa Mkoa wa Ilala, Mary Nzuki alisema vurugu hizo zilidhibitiwa na Polisi waliowaondoa wafuasi wa CCM ambao hawakuwa na kibali halali.

Mashuhuda walisema ilikuwa vurugu kwa wafuasi wa CCM na CUF baada ya kupigana kwa kutumia viti na mawe na kwamba polisi walizuia vurugu hizo kwa mabomu ya machozi.

Mmoja wa viongozi wa CUF, Mohamed Mluya alisema walipewa kibali cha kufanya mkutano huo jana.

Alisema waliwaonyesha kibali chao lakini wafuasi wa CCM walionyesha kibali kilichoonyesha kuwa walipaswa kufanya mkutano Ijumaa.

Mluya alisema wafuasi hao walitaka kufanya mkutano jana bila kubadilisha kibali.

via>>Gumzo la jiji

KUONA VIDEO MPYA BOFYA HAPA CHINI