 |
| YUPO kikazi zaidi |
MKUU wa Mkoa wa
Shinyanga;Ally Nassoro Rufunga,amepiga marufuku biashara ya ngono inayoshika
kasi katika Halmashauri za Manispaa ya Shinyanga na ya Mji wa Kahama kwa kuziagiza
mamlaka zinazohusika
kufuata mkondo wa sheria dhidi ya matendo hayo.
kufuata mkondo wa sheria dhidi ya matendo hayo.
Rufunga alitoa agizo hilo
katika kikao baina yake na Asasi zisizo za kiraia zinazojihusisha na mapambano
dhidi ya maambukizi mapya ya Virusi vya Ukimwi wilayani Kahama,ambapo alipatiwa
utekelezaji wa shughuli na changamoto zinazozikabili Asasi hizo katika
mapambano dhidi ya Ukimwi.
 |
| MMOJA wa wanaojiuza
Alisema vita hivyo vya
mapambano dhidi ya maambukizi mapya ya Ukimwi katika Mkoa wa Shinyanga inaathiriwa na kuwepo kwa
jamii iliyojitosa kuanzisha madanguro na kufanya biashara ya ngono.
Aidha aliziomba Asasi
zinazojihusisha na miradi ya mapambano ya Ukimwi zishirikiane na serikali kwa
kuyafichua madanguro hayo kisha kuwapatia elimu wajihusishao na biashara hiyo
kwa kuwajengea uwezo wa kujihusisha na shughuli za ujasiriamali.
|
 | ||||||
| AKINA dada poa wakiwa mawindoni
Alizitaka Asasi hizo
ziwaunganishe machangudoa katika vikundi vya kijasiriamali huku zikifanyika
jitihada za kuwatafutia mitaji hatua itakayosaidia kuondokana na vitendo vyao
vya biashara ya ngono na kusaidia kupunguza maambukizi ya Ukimwi.
|
 |
| MKUU wa Mkoa wa Shinyanga;Ally Nassoro Rufunga,mkono wake wa kushoto anayeonekana ni Mkuu wa wilaya ya Kahama;Benson Mpesya.
“Madanguro yafichuliwe,na
gesti zinazofanya na kuhamasisha biashara ya ngono zichukuliwe hatua kwakuwa wanafanya
jinai,”Alisema Rufunga.
|
 |
| ETI wapo Ofisini wakisubiri Wateja
Awali Mkurugenzi wa miradi
wa SHDEPHA+ wilaya ya Kahama,Venance Mzuka alibainisha kuwepo kwa biashara ya ngono
wilayani Kahama kwa akiana dada wanaojiuza kukodi na kulipia vyumba kwa mwezi
mzima katika baadhi ya Nyumba za kulala wageni.
“Kuna ongezeko kubwa la
biashara ya ngono mjini Kahama kutokana na mji kukua kwa kasi,sababu ikiwa ni
uwepo wa migodi mikubwa na midogo ya madini,huku gesti baadhi zikitumika ambazo
siku zote tangu asubuhi utaambiwa vyumba vimejaa”,Alisema Mzuka.
|
 |
| YUPO mawindoni kusaka mkate wa kila siku
Mkoa wa Shinyanga hadi
kufikia Juni mwaka huu ulikuwa na maambukizi asilimia 5.9 huku wilaya ya Kahama
ikiwa na maambukizi asilimia 6.1 ambapo Halmashauri ya Mji ikiongoza kwa
asilimia 7.8,ikifutiwa na halmashauri ya Mji wa Kahama kwa asilimia 7.8,Msalala
asilimia 5.6 na Ushetu ni asilimia 5.0.
Pamoja na kiwango hicho
cha maambukizi imeweka mkakati kufikia mwaka kesho 2015 uwe chini ya asilimia
za kitaifa ambazo ni 5.1.
|
