KKKT KUKABILIANA NA UKOSEFU WA AJIRA KWA WAHITIMU KIDATO CHA NNE

BOFYA HAPA CHINI KUONA MAAJABU YA LEO

ASKOFU wa Kanisa la Kiinjili la Kilutheri Tanzania Dayosisi wa Kusini Mashariki ya Ziwa Victoria,Emmanuel Makala akiweka jiwe la Msingi la Shule ya Sekondari ya Ufundi ya Agape wilayani Kahama.

KANISA la Kiinjili la Kilutheri Dayosisi Kusini Mashariki ya Ziwa Victoria,Jimbo la Kusini Magharibi limeadhimia kukabiliana na ukosefu wa ajira kwa vijana wanaokomea kidato cha nne kwa
kujenga Shule ya Sekondari ya Ufundi itakayotoa mafunzo ya stadi za maisha.

Hayo  yalielezwa na Mkuu wa Jimbo la Kusini Magharibi;Mchungaji Daniel Mono katika taarifa aliyoisoma mbele ya Askofu wa Kanisa la Kiinjili la Kilutheri Dayosisi Kusini Mashariki ya Ziwa Victoria,Askofu Emmanuel Makala,wakati wa
kuweka Wakfu ujenzi wa Shule ya Sekondari ya Ufundi ya Agape Lutheran.

ASKOFU wa Kanisa la Kiinjili la Kilutheri Tanzania Dayosisi wa Kusini Mashariki ya Ziwa Victoria,Emmanuel Makala akiongoza Ibada fupi katika Wakfu wa Shule ya Sekondari ya Ufundi ya Agape wilayani Kahama.

Mchungaji Mono alisema ujenzi wa Shule ya Sekondari ya Ufundi ya Agape utakayojengwa kwa awamu nne utagharimu jumla ya Shilingi 520,623,740/= ambapo shule hiyo itakuwa msaada mkubwa wa kumudu kujitegemea kimaisha kwa vijana watakaobahatika kusomea shule hiyo.

Alisema lengo kubwa la kuanzishwa kwa sekondari hiyo ni kuwapatia wanafunzi masomo ya ziada ya ufundi ambayo ana hakika yatakuwa mkombozi mkubwa wa kuondokana na maisha ya utegemezi kama walionayo vijana wengi waliokomea kidato cha nne.

MCHUNGAJI Mkuu wa Jimbo la Kusini Magharibi,Dayosisi Kusini Mashariki ya Ziwa Victoria;Daniel Mono akisoma taarifa ya Ujenzi wa Shule ya Sekondari ya Ufundi ya Agape.

Aidha alisema sekondari hiyo ambayo ni zao la Agape Lutheran Primary School,kwa kipindi cha miaka miwili mfululizo imemudu kufaulisha kwa darasa zima kwa vijana waliomaliza elimu ya msingi hupoteza mwelekeo wao wa kitaaluma kutokana na kukabiliana na mazingira mapya yanayowabadirisha kimaadili kutoka waliyozoea ya Kanisa.

Mchungaji huyo alisema matarajio ya Sekondari hiyo ni kuanza January 2016,ambapo mbali na kuwajengea vijana stadi za maisha ili kuondokana na dhana ya kuajiriwa pia itakuwa msaada mkubwa kwa maendeleo ya Dayosisi kwa kuongeza samani na majengo pindi wanapokuwa katika mafunzo ya vitendo.

 WAAMINI wa Kanisa la Kiinjili la Kilutheri Tanzania "KKKT"wakiwa katika Wakfu ya Shule ya Sekondari ya Ufundi ya Agape katika Kata ya Mwendakulima wilayani Kahama.

Akifafanua hatua za ukamilishaji wa Sekondari hiyo,awamu itahusu madarasa manne na ofisi ambayo itagharimu Shilingi 100,623,740/=,awamu ya pili itakayohusu ujenzi wa mabweni,jiko na vyoo na ambavyo vitagharimu Shilingi 150,000,000/=.

Awamu ya tatu itakuwa ni kujenga jengo la Utawala na Karakana ya ufundi itakayogharimu pia Shilingi 150,000,000/= huku awamu ya mwisho itakayohusu nyumba za walimu ambazo zitagharimu Shilingi 120,000,000/= hivyo kuwaomba wafadhili na marafiki wa kanisa kujitokeza kuchangia ili kukamilisha kwa wakati sekondari hiyo.

 WAAMINI wa Kanisa la Kiinjili la Kilutheri Tanzania "KKKT"sambamba na wageni wao wa  Shirika la Most Ministries Team kutoka nchini Marekani wakiwa katika Wakfu ya Shule ya Sekondari ya Ufundi ya Agape katika Kata ya Mwendakulima wilayani Kahama.

Nae Askofu wa Kanisa la Kiinjili la Kilutheri Tanzania “KKKT”Jimbo la Kusini Magharibi;Emmanuel Makala aliwaasa watakaosimamia ujenzi huo kuwa waadirifu na kuhakikisha mradi huo unakuwa na akaunti yake isiyoingiliana na ya miradi mingine ya Kanisa.

Askofu Makala katika kuhakikisha hilo linafanyika alianzisha Harambee ya ufunguzi wa akaunti hiyo ambapo zilipatikana kiasi cha Shilingi Milioni Moja taslimu.

KUONA VIDEO MPYA BOFYA HAPA CHINI