MGODI WA BUZWAGI WAPONGEZWA

BOFYA HAPA CHINI KUONA MAAJABU YA LEO

VIJANA chini ya miaka Kumi wakifukuza kuku,katika bonanza lililoandaliwa na Kampuni ya African Barrick Gold Mine Ltd,kupitia Mgodi wake wa Buzwagi.

KAMPUNI ya uchimbaji madini ya African Barrick Gold kupitia mgodi wake wa dhahabu  wa Buzwagi umepongezwa kwa kuwa karibu na wananchi wa Kahama katika shughuli mbalimbali za Maendeleo sambamba na uhamasishaji katika sekta ya michezo hatua itakayosaidia kukuza uchumi.

Pongezi hizo zilitolewa na Mkuu wa wilaya ya Kahama ,Benson Mpesya katika kilele cha Bonanza la michezo  sambamba na

hitimisho la ufadhili uliotolewa wa kutazama bure michuano ya Kombe la Dunia kwa wananchi wa mji wa Kahama na Mgodi wa Dhahabu wa Buzwagi.

MTOTO  Catherine,mwanafnzi wa darasa la pili Shule ya Msingi Majengo akipongezwa na Afisa Uhusiano wa Mgodi wa Buzwagi;Dorothy Bikurakule baada ya kuibuka na ushindi wa kukimbiza kuku.

Alisema kampuni hiyo imeonyesha nia ya kuwaletea maendeleo wananchi wa Kahama kwani mbali na kuandaa bonanza hilo pia wanatekeleza miradi mbalimbali ya maendeleo kama vile ujenzi wa barabara za lami,shule,zahanati na vituo vya afya.

VIJANA wakichuana mbio za Mita 200 za kukimbia na gunia

“Hatuna budi Mwekezaji huyu kumfanya ni mwenzetu,kwa maendeleo anayotufanyia kama miundo mbinu ya barabara maana yake wote tunafaidika na dhahabu,tushikamane naye na tumtumie kusonga mbele kichumi ili wilaya yetu kwenda na wakati,”Alisema Mpesya.

GOLIKIPA wa timu ya Bodaboda FC;Charles Alphonce akipangua mchomo wa penalti

“Hatuna budi Mwekezaji huyu kumfanya ni mwenzetu,kwa maendeleo anayotufanyia kama miundo mbinu ya barabara maana yake wote tunafaidika na dhahabu,tushikamane naye na tumtumie kusonga mbele kichumi ili wilaya yetu iweze kwenda na wakati,”Alisema Mpesya.

MKUU wa wilaya ya Kahama;Benson Mpesya akiwaongoza Mkurugenzi Mtendaji wa Halmashauri ya Mji wa Kahama;Felix Kimario mwenye shati la maua na mwenye T'Shirt ya kijani ni Amosi John mwakilishi wa Mgodi.

Alisema hatua iliyofanya Mgodi kufunga Luninga kubwa katika uwanja wa michezo wa Halmashauri ya Mji,kwa lengo  kuwasaidia wananchi wasio na kipato kushuhudia michuano ya Kombe la Dunia bure.,pia iliwakusanya mashabiki wa mchezo huo pasipo kujali uwezo wa kipato jambo lililozidisha upendo miongoni mwa wana Kahama.

MKUU wa wilaya ya Kahama Benson Mpesya akisalimiana na waamuzi wa pambano la Fainali ya Bonanza.

Alisema hatua iliyofanya Mgodi kufunga Luninga kubwa katika uwanja wa michezo wa Halmashauri ya Mji,kwa lengo  kuwasaidia wananchi wasiona kipato kushuhudia michuano ya Kombe la Dunia bure.,pia iliwakusanya mashabiki wa mchezo huo pasipo kujali uwezo wa kipato jambo lililozidisha upendo miongoni mwa wana Kahama.

MASHABIKI wa Bodaboda FC wakishangilia ushindi.

Kaimu meneja mkuu mgodi wa Dhahabu wa Buzwagi Amos John alisema African Barrick Gold wataendelea kushirikiana na jamii ya Kahama ili kujenga undugu na kuimarisha upendo,umoja na mshikamano katika kuhakikisha kuwa jamii ya Kahama na kampuni hiyo wanafanikiwa pamoja.

NI furaha tu kwa mashabiki wa Bodaboda FC na mashabiki wao

Alibainisha kuwa Lengo la Brazuka Bonanza ni African Barrick  kuhamasisha umoja,ushirikiano na upendo  katika kuhakikisha kuwa mgodi na jamii zinafanikiwa kwa pamoja  hasa katika kuhamisha michezo hususani soka ambao kwa karne ya sasa ni ajira.

MFUNGAJI bora wa michuano hiyo ya Bonanza Dokta Castro Obote akikabidhiwa bahasha yake yenye kitita cha Shilingi Elfu Hamsini na Mgeni Rasmi wa Bonanza hilo ambaye ni Mkuu wa wilaya ya Kahama Benson Mpesya,huku akishuhudiwa na Mkurugenzi Mtendaji wa Halmashauri ya Mji wa Kahama Felix Kimario aliye katikati na pembeni mwenye T'Shirt ya Kijani ni mwakilishi wa Mgodi wa Buzwagi,Amosi John.

Katika mchezo wa fainali wa Bonanza hilo lilidumu kwa siku tatu na kushirikisha timu nane.Timu ya Bodaboda FC iliibuka kinara wa michuano hiyo ya Brazuka Soka Bonanza baada ya kuibanjua timu ya  Afya FC kwa bao 5 – 3..

MKUU wa wilaya ya Kahama Bensoni Mpesya akimkabidhi Kapteni wa Mabingwa wa Bonanza hilo kutoka timu ya Bodaboda bahasha yenye Shilingi Laki Tano.

Pambano hilo lililokuwa la kuvutia lilitimua vumbi katika dimba la Halmashauri ya Mji wa Kahama  na kuhudhuriwa na mamia ya wapenda soka michezo wakiongozwa na Mkuu wa Wilaya ya Kahama;Benson Mpesya,hadi dakika 90 zinaisha matokeo yalikuwa sare ya bao 2-2.

KATIKA Usiku wa Brazuukaaa,Christian Bella alitoa burudani kamambe.

Mabao yakiwa yamepachikwa nyavuni na Baraka Juma na Benjamini Petro kwa upande wa Bodaboda FC,na Ramadhani Ramadhani na Dokta Castro Obote kwa upande wa timu ya Afya FC,ndipo ilipotumika sheria ya mikwaju ya penati,na mabingwa wa bonanza hilo kutumbukiza kimiani bao 3.

KATIKA Usiku huo Msanii Nay wa Mitego alimuibua Diamond wa Kahama na kutoa naye shoo ya kibao;MUZIKI GANI?

Penalti zilizofungwa kiustadi na Said Athumani,Baraka Juma na Deogratias Christian,huku kwa upande wa Afya FC, Dokta Castro akifanikiwa kupachika nyavuni goli moja huku wengine michomo yao ikiokolewa kwa ufundi na kipa wa Bodaboda;Charles Alphonce.

NAY wa Mitego na Diamond wa bandia walikamua ipasavyo na kuzipa burudani ipasavyo nyoyo za waliohudhria Usiku huo wa Brazukaa.

Kwa Ubingwa huo Bodaboda FC inayoundwa na Wajasiriamali waendeshao pikipiki kibiashara walijinyakulia Kitita Cha Shilingi Laki Tano na mpira,na washindi wa pili timu ya Afya FC wakipatiwa Shilingi Laki Mbili na Daladala fc wakipata shilingi laki 1.

NAY wa Mitego akishambulia Jukwaa ipasavyo.

Hata hivyo timu zote nane zilizoshiriki mashindano hayo zilipewa mpira mmoja kila timu,isipokuwa timu ya Wasanii fc ambayo ilinyimwa mpira kutokana na utovu wa nidhamu baada ya kususia mechi ya kutafuta mshindi wa tatu iliyopangwa kuchezwa asubuhi.

Katika bonanza hilo pia kulikuwepo michezo mingine kama kufukuza kuku kwa vijana wa rika lote wasichana kwa wavulana na kukimbia na magunia,na baada ya bonanza hilo kulifatiwa na burudani kutoka kwa mwanamuziki Christian Bella na Nay wa Mitego kabla ya kushuhudia Fainali za Kombe la Dunia.

KUONA VIDEO MPYA BOFYA HAPA CHINI