HALMASHAURI USHETU YAPATA WALIMU WAPYA 275.

BOFYA HAPA CHINI KUONA MAAJABU YA LEO

WAZIRI wa Elimu na Mafunzo ya Ufundi Nchini;Dk.Shukuru Kawambwa.

 

HALMASHAURI ya wilaya ya Ushetu imepata walimu wapya 275 watakaofundisha shule mbalimbali za msingi na sekondari hali itakayopunguza tatizo la upungufu wa walimu katika Halmashauri hiyo.

 

Hali hiyo ilielezwa jana na Mkurugenzi Mtendaji wa Halmashauri hiyo;Isabela Chilumba,ambapo alisema kati ya hao 75 ni wenye Shahada ya kwanza huku 33 wakiwa na elimu ya Stashahada.

 

Aidha Chilumba alisema walimu hao watapangwa katika Shule za Sekondari kumi na sita ikiwemo moja ya Dakama inayotarajiwa kupandishwa hadhi  kuwa na kidato cha sita,katika mgawo huo kila shule itapata  wastani wa walimu sita hadi saba.

 

Hata hivyo Chilumba alisema kwa upande wa Shule za Msingi, Halmashauri yake imepata walimu 167 ambao watasambazwa kwenye maeneo yenye upungufu wa walimu ili kuondoa kabisa tatizo hilo kwenye shule zake za Msingi.

 

Pamoja na idadi hiyo;Chilumba alisema kwa utaratibu huo ifikapo mwaka kesho kama Halmashauri yake itapata idadi ya walimu kama hiyo tatizo la upungufu wa walimu litakuwa limemalizika kabisa na kuinua kiwango cha elimu.

 

Mkurugenzi huyo aliipongeza serikali kwa jitihada zake za kumaliza tatizo la upungufu wa walimu kwenye shule zikiwemo sekondari za Kata ambazo baadhi ya jamii wamekuwa wakizibeza wakiziita yeboyebo huku baadhi yake mwaka huu zikiwa zimefanya vizuri katika mitihani ya kidato cha nne.

 

Wilaya ya Kahama ina Halmashauri tatu za Ushetu,Mji na Msalala huku Ushetu ikiongozwa kwa ukubwa wa eneo na idadi ya watu hali ambayo Mkurugenzi huyo alidai ni changamoto za kiutendaji anazokumbana nazo.

 

KUONA VIDEO MPYA BOFYA HAPA CHINI