WANAUME WANA HOFU YA KUPIMA UKIMWI

BOFYA HAPA CHINI KUONA MAAJABU YA LEO

WASHIRIKI waliohudhuria semina juu ya kujitambua katika kupambana na maambukizi mapya ya UKIMWI na kupatiwa elimu stahiki ya maradhi hayo,ambayo iliandaliwa na Shirika lisilo la Kiserikali la HUHESO FOUNDATION yenye makao makuu yake  Kata ya Malunga katika Halmashauri ya Mji Kahama,wakiimba wimbo wa hamasa

WASHIRIKI wakijadili.

WAHIRIKI wakisikiliza kwa makini

MSHIRIKI akichangia hoja.

MWEZESHAJI katika semina hiyo,Afisa Muuguzi Mkuu katika Halmashauri ya Mji Kahama;Richard Mabagara Kajogo,akitoa mada juu ya Ushauri Nasaha.

WANAUME ambao ni washiriki katika semina hiyo.

ATHUMANI Ally kulia akiwa na Mwenzake wakisikiliza kwa makini maelezo ya Mwezeshaji kuhusiana na Elimu ya UKIMWI

MIONGONI mwa washiriki wa semina hiyo iliyofanyika katika ukumbi wa CARITAS mjini Kahama.

BAADHI ya Washiriki katika Semina hiyo iliyoandaliwa na Shirika la HUHESO FOUNDATION la wilaya ya Kahama

MSHIRIKI katika semina hiyo;Samson Aloyce akiandika maelezo juu ya Elimu ya UKIMWI na kujitambua kwa mwanaume katika kupambana na maambukizi mapya ya maradhi hayo.

IMEELEZWA kuwa wanaume wengi  hawapendi kupima UKIMWI  sambamba na kuogopa kuambatana na wake zao hospitalini kwa lengo kutazama afya zao zaidi ya kuwatumia kama chambo kipindi cha ujauzito  kujitathimini iwapo wameathirika.

Hayo yalibainishwa  na  mkufunzi mkuu kitengo cha UKIMWI kutoka katika hospitali ya Halmashauri ya mji  Kahama bi. Emerenciana Machibya  katika semina ya siku mbili ya  kutambua  ufahamu kuhusu VVU na UKIMWI kwa wanaume wanaofanya kazi migodini pamoja na madreva wa magari makubwa.

Katika semina hiyo  iliyoandaliwa na shirika la HUHESO FOUNDATION la wilayani Kahama chini ya ufadhili wa Rapid Fund Envelope “RFE” ya jijini Dar Es Salaam iliyolenga kuwapatia elimu ya UKIMWI  wanaume hao,Mkufunzi huyo alisema wanaume hufanya kosa kubwa kujitathimini ni wazima ama wameathirika kupitia vipimo walivyofanyiwa wake zao.

“Napenda mtambue unaweza kuathirika mwenza wako akawa hajaathirika,ama mpenzio akaathirika ukawa mzima cha msingi ili kubaini uhakika ni wote kujitokeza kupima.”Alisema bi Machibya.

Aidha bi. Machibya alisema kuwa  tafiti inaonyesha kuwa  wanaume wengi  hapa nchini hawapendi kupima vvu mara kwa mara ili kujua afya zao, na kuwasii wakinababa waache  maramoja  tabia ya kuwatanguliza wakina mama hospitalini kupima vvu, na badala yake wawe mstari wa mbele kuambatana na wake zao  kwenda kuangalia  afya zao.

Alisema faida ya kupima mara kwa mara husaidia kipindi wanapogundulika kuwa na maambukizi mapya ya virusi vya UKIMWI kuweza kupata ushauri nasaha na kumudu kuanza  kutumia mapema dawa za kufubaza virusi .

Hata hivyo kwa upande wake Mkurugenzi wa HUHESO FOUNDATION;Juma Mwesigwa alisema ili kukabiliana na janga hilo ni vema wanaume kuwa na mpenzi mmoja aliye mwaminifu , kutumia kondomu wakati wa kujamiiana au kuacha kabisa.

KUONA VIDEO MPYA BOFYA HAPA CHINI