JELA MIAKA SABA KWA WIZI WA PIKIPIKI

BOFYA HAPA CHINI KUONA MAAJABU YA LEO

MAHAKAMA ya wilaya ya Bariadi mkoani Simiyu imemhukumu kwenda jela miaka saba mkazi mmoja Luhaga Saida Mwangile [20]baada ya kumtia hatiani kwa kosa wizi wa pikipiki.

Hukumu hiyo ilitolewa na Hakimu Mkazi wa Mahakama hiyo;Oguda Robert,baada ya kusikiliza pande zote mbili za mlalamikaji na mshitakiwa ambaye alikiri kutenda kosa la wizi wa pikipiki aina ya King Lion yenye usajili namba T 696 CJF mali ya Meshaki Henry mkazi wa mjini Bariadi.

Mstakiwa alidaiwa kutenda kosa hilo Novemba 15, mwaka huu kisha kutoweka nayo lakini jitihada za Jeshi la Polisi zilifaulu kumkamata Mwangile Novemba 19,mwaka huu katika kijiji cha Nyasululi,wilaya ya Bunda mkoani Mara na kusomewa shuari lake kwa mara ya kwanza katika mahakama hiyo Novemba 20.

Akisoma hukumu hiyo,Hakimu Robert alisema baada ya Mahakama kujiridhisha mshtakiwa kuwa anakosa,inamtia hatiani na kutoa adhabu inayolingana na kosa lake ili liwe funzo kwake na kwa jamii ambayo imekuwa ina dhamira ya kufanya uhalifu na unaolingana na huo.

Mshtakiwa kabla ya kusomewa hukumu hiyo alipewa nafasi ya kujitetea ambapo aliomba kusamehewa kwakuwa alitenda kosa hilo pasipo kutarajia na kwamba hakutaka kuipa usumbufu Mahakama kusikiliza shauri lake kwa kukiri kutenda kosa hilo ambalo ni la kwanza kutenda katika maisha yake.

Baada ya maombi hayo Mwendesha Mashtaka katika kesi hiyo,Mkaguzi wa Polisi Samweli Kirabuka alipinga vikali maombi hayo na kuiomba Mahakama itoe adhabu kali kwa mshtakiwa.

KUONA VIDEO MPYA BOFYA HAPA CHINI