JAMII YATAKIWA KUZINGATIA NA KUENZI MILA NA DESTURI ZA KITANZANIA

BOFYA HAPA CHINI KUONA MAAJABU YA LEO

Mwenyekiti wa taifa wa Tanzania Mzalendo Foundation;Khamis Mgeja akiifungua Filamu ya Madebe na Mila zetu ikiwa ni ishara ya kuizindua,katika viwanja vya michezo vya Shule ya Msingi Nhele kijiji cha Nhele Kata ya Lusu wilayani Nzega.

Mwenyekiti wa taifa wa taasisi ya Tanzania Mzalendo Foundation;Khamis Mgeja,akimpongeza Msanii maarufu wa muziki wa asili,Madebe Jinasa kwa kutoa Filamu ambayo ina maudhui ya Utamaduni,Mila na Desturi za kabila la Kisukuma.

 Mwenyekiti wa taifa wa taasisi ya Tanzania Mzalendo Foundation;Khamis Mgeja,akiongoza kuzindua Filamu ya Msanii Madebe Jinasa kwa kununua CD kwa Shilingi Laki Tano Taslimu ili kuchangia maendeleo ya Msanii huyo katika kuendeleza Mila,Desturi na Utamaduni wa Mtanzania. 

Mwenyekiti wa taifa wa taasisi ya Tanzania Mzalendo Foundation;Khamis Mgeja akiongea na umati wa wakazi wa Kata ya Lusu waliohudhuria uzinduzi wa Filamu ya Madebe na Mila zetu ambapo alisisitiza umuhimu wa Watanzania kuzingatia mila na desturi zetu.

JAMII imetakiwa kuendeleza mila,utamaduni na desturi za Mtanzania ili kuliepusha Taifa  kuyumba na kutishia kutoweka kwa uzalendo hali itakayosababisha  machafuko yatakayotokana na mmomonyoko wa maadili unaochangiwa na kuendekeza utandawazi.

Mwito huo ulitolewa na Mwenyekiti wa Taifa wa Taasisi ya Tanzania Mzalendo Foundation;Khamis Mgeja,wakati akizindua Filamu ya Msanii maarufu wa nyimbo za asli kanda ya Ziwa na Magharibi;Madebe Jinasa katika uwanja wa Shule ya Msingi Nhele kata ya Lusu wilayani Nzega.

Mgeja alisema hivi sasa nchi ipo katika ombwe la kuyumba kimaadili kunakotokana na kuanza kupotea kwa mila,desturi na utamaduni kutokana na kugubikwa na utandawazi unaopandikiza mila na desturi za kutoka ughaibuni.

“ Tukiziacha mila na desturi taifa letu litayumba sana,wenzetu kama nchi ya China wamepiga hatua za maendeleo kwa kudumisha mila na desturi kwa hiyo hizi mila lazima tuzienzi,"Alisema Mgeja.

 Aidha aliomba Serikali kupitia TAMISEMI kuandaa mkakati mkubwa kupitia Halmashauri kuwawezesha malenga nchini kudumisha mila na desturi kupitia sanaa zao ili jamii ione umuhimu wa kudumisha na kuendeleza mila na desturi.

Habari na Ali Lityawi na Zengo Saida.

KUONA VIDEO MPYA BOFYA HAPA CHINI