WAKATI serikali kupitia Bodi ya
Pamba Tanzania ikiweka msimamo wa kuhakikiasha wanunuzi wa zao hilo kununua kwa
bei elekezi ya Shiiliingi Elfu Moja kwa kilo,wamiliki wa Makampuni hayo ya kununua
kupitia chama chao wamegoma wakidai wanunue kwa Shilingi Mia Nane kwa kilo
moja.
Mvutano huo wa Bei umesababisha
baadhi ya wakulima kuuza pamba hiyo kwa Walanguzi kwa bei ya Sh 700/-(Mia saba
)kwa kilo moja,baada ya makampuni hayo kugoma kununua zao hilo tangu msimu
ufunguliwe Juni 26,mwaka huu,na serikali kutangaza bei hiyo elekezi kwa kilo
moja.
Hata hivyo wakati mvutano huo
ukiendelea kuwaumiza Wakulima kwa pamba yao kununuliwa na walanguzi licha ya
bei ya chini ,mizani wanazotumia hazijathibitishwa na Wakala wa Vipimo
Tanzania,hali ambayo inachangia kupunjwa kwa kilo.Waziri wa Kilimo,Mifugo na
Uvuvi;Charles Tizeba,alisema suala hilo linashughulikiwa kiofisi.
Tizeba alisema kwa sasa wanaopaswa
kuzungumzia ni Bodi ya Pamba Tanzania,kwakuwa ndio wasimamizi na wadhibiti wa
zao hilo ingawa alisema Wizara kama Wizara inalishughulikia kiwizara,kuona hali
itakavyokuwa katika kuwasaidia Wakulima na wanunuzi.
Kabla ya hapo Katibu wa Chama cha
Wanunuzi wa Pamba Tanzania,Boaz Ogola,alisema bei hiyo ya 1000 kwa kilo
iliyotolewa na serikali ni kubwa ikilinganishwa na kushuka kwa bei ya soko la
Dunia pamoja na kuporomoka kwa thamani ya Shilingi.
Ogola alisema mpaka sasa wanunuzi
wote wamegoma kukunua zao hilo kutokana na hali halisi ya bei hiyo kuonyesha
hasara moja kwa moja hasa kwakuwa pamoja na kununua bei hiyo bado kuna kodi
mbalimbali za serikali pamoja na ushuru katika Halmashauri hali ambayo tayari
wameandika barua kuelezea hali hiyo kwa Waziri Mkuu.
Kufuatia hali hiyo kwa sababu bei ya
kununulia na kuuzia iko wazi kwenye mtandao,Ogolo alisema baadhi ya benki
zimegoma kuwapa fedha wanunuzi hao kwa kuhofia kupoteza fedha zao kwa makampuni
hayo ya Wanunuzi wa Pamba kupata hasara kutokana na kushuka kwa zao hilo kwenye
soko la dunia.
Pamoja na maelezo hayo ya wanunuzi
wa zao hilo,Bodi ya Pamba Tanzania kupitia Mkurugenzi wake Gabriel
Mwalo,wamesema hawana mpango wa kupunguza bei hadi kufikia Shilingi Mia Nane
kwa kilo,kama vile wanunuzi wanavyotaka.
Mwalo alisema wanunuzi hao
wameandika barua ya kuomba kupunguziwa bei kwa Waziri Mkuu,lakini ombi ni ombi
tu ambalo linaweza kukubaliwa ama kukataliwa na kuongeza kuwa Serikali haina
mpango wa kupunguza Bei hiyo kwakuwa lengo lake ni kuhakikisha wakulima wa
Pamba wananufaika na kilimo hicho.
“Hao wanunuzi wako likizo
tu,wanategeana kununua wakiona wenzao wananunua na wao watanunua tu,kwakuwa
maombi yao ya kupunguziwa bei kwa waziri mkuu mpaka sasa zaidi ya wiki tangu
wapeleke hakuna majibu hivyo sisi kama Bodi hatuwezi kuzungumzia punguzo la bei
tunachozungumzia ni bei ya Elfu Moja iliyopo kwakuwa hakuna maelekezo mengine
ya Serikali kuhusu bei elekezi,”alisema Mwalo.
Kwa upande wake Katibu Mkuu wa Chama
cha Wakulima wa Pamba Tanzania,George Mpanduji,aliomba Serikali kama kweli
lengo lake ni kuwasaidia Wakulima wa Pamba,lazima iangalie pande zote
mbili,wanunuzi na wakulima kwa kufuta ama kupunguza baadhi ya kodi na ushuru
kwenye zao hilo.
Mpanduji alisema wakulima kwa sasa
wameipokea vizuri bei ya Elfu Moja kwa kilo ili waweze kunufaika nayo,lazima
Serikali ilegeze masharti kwa wanunuzi ili iwawezeshe kununua bila hasara
kuliko ilivyo sasa Kodi na Ushuru ni mwingi hali iliyosababisha wanunuzi hao
kugoma kununua wakiogopa hasara.
Kugoma kwa wanunuzi hao,Mpanduji
alisema kumesababisha kuvamiwa na walanguzi vijijini ambao wanawanunulia pamba
hiyo kwa bei ya Shilingi Mia Saba,kwa kilo bada ya Mia Nane ya wanunuzi
na Elfu moja ya Serikali na wanawanunulia kwa kutumia mizani zilizochakachuliwa
ambazo zinawaibia wakulima hao ambao wengi wao wanamahitaji ya kupata fedha
ambazo hawazipati kutokana na makampuni hayo kugoma kununua
KUONA VIDEO MPYA BOFYA HAPA CHINI
