BOFYA HAPA CHINI KUONA MAAJABU YA LEO
SHIRIKA la The Foundation
For Human Health Society “HUHESO FOUNDATION”la wilayani Kahama,linatarajia
kutumia Shilingi Milioni 143.2
kuhamasisha uanzishwaji wa vikundi vya kuweka
na kukopeshana pesa kwa watu wenye vipato duni ili kuwajengea mitaji imara na
kuwakomboa kimaisha.
Hayo yalielezwa na
Mkurugenzi wa HUHESO FOUNDATION,Juma Mwesigwa,katika kikao cha Wadau kupitia
Mradi wa Pesa kwa wote “PKW”ambao unalengo la kumkomboa mwananchi mwenye kipato
duni kijijini amudu kujiwekea pesa katika Kikundi kisha kukopa kwa riba nafuu.
Mwesigwa alisema mradi huo
wa Pesa kwa wote unaotekelezwa na shirika lake baada ya kupata ufadhili kutoka
Care International,unatarajia kutumia kiasi hicho cha pesa kwa kipindi cha
mwezi Julai 2015 hadi Juni 2016 katika vijiji vilivyo wilayani Kahama.
Alisema mradi huo wa pesa
kwa wote watautekeleza kwa kipindi cha miaka mine,na umelenga kuwahasisha
wanawake kwa asilimia 70 na wanaume kwa asiliamia 30 kujiunga katika vikundi
hivyo katika maeneo yao ya vijijini ili kumudu kujikomboa kiuchumi.
Hivyo alisema hamasa
watakayoitoa ikiambatana na elimu ya ujasiriamali,itawasaidia wakazi wa
vijijini ambako hakuna huduma za Kibenki kumudu kutunza pesa zao kwa kuweka
kisha kukopeshana ili kukuza mitaji yao na kuwasaidia kupata maendeleo kwa kasi
na wakati.
Aidha Ofisa Mradi huo
kutoka Shirika hilo,Fatuma Shaabani,alisema hadi kufikia Julai 2016,wanataraji
kuwa wamehamasisha na kusimamia uanzishwaji wa vikundi 291 vyenye jumla ya
wanachama 7275.
Ofisa mradi huo alisema watafanikisha
jambo hilo kupitia kwa Waelimishaji Ngazi ya Jamii ambao wamewaandaa na
kuwapatia elimu ya kutosha juu ya kuhamasisha na kuanzisha vikundi kutoka
katika vijiji ambavyo Shirika la HUHESO FOUNDATION limelenga kutekeleza mradi
huo.
KUONA VIDEO MPYA BOFYA HAPA CHINI
