BARAZA
la Madiwani la Halmashauri ya wilaya ya Hanang,mkoani Manyara,limemkataa,Mkurugenzi
wake Mtendaji,Felix Mabula,kwa kutokuwa na imani nae na kuwasimamisha kazi
watumishi wanne kwa madai ya tuhuma za ubadhirifu wa fedha zaidi ya Shilingi
Milioni 280.
Katika
kikao chao maalumu,kilichohusisha madiwani wa CCM na wa upinzani, kwa kauli
moja kilichukua maamuzi ya kumkataza kushiriki shughuli zote za Halmashauri
hiyo,Mkurugenzi huyo Mtendaji huku ikiwasimamisha kwa tuhuma za ubadhirifu wa
fedha ambazo zilikuwa za halmashauri na uchaguzi.
Mwenyekiti
wa Halmashauri ya wilaya ya Hanang,Geogry Bajuta,alisema wamechukua maamuzi
hayo kutokana na ripoti ya mkaguzi wa ndani wa Halmashauri hiyo,ambapo Baraza
limetoa mapendekezo kwa mamlaka husika kuwa Mkurugenzi huyo mtendaji asimamishwe
kazi ili kupisha uchunguzi.
Aliwataja
watumishi wanaosimamishwa kazi sambamba na Mkurugenzi huyo kupisha uchunguzi
kuwa ni Mweka hazina wa Halmshauri hiyo;Mazengo Matonya,Afisa Mipango wa
Halmashauri hiyo;Hamisi Katimba,Mhasibu bi Wellu Sambalu na mtu wa malipo
Marceli Siima.
“Tumeonewa
vya kutosha,Hanang imekuwa shamba la bibi,kila mtu anaingilia huku anachukua
sasa na DC nafikiri ana mlango wake wa kuchukua,haiwezekani kwamba yeye
anamuunga mkono Mfisadi,wakati Madiwani wamesema hawana imani tena na
Mkurugenzi Mtendaji,”alisema Mwenyekiti wa Halmashauri ya wilaya ya Hanang.
Kauli
hiyo ilikuja baada ya kutokea marumbano baina yao na Mkuu wa Wilaya ya
Hanang,Thobias Mwilapya,ambaye hakuafikiana na maamuzi hayo kwa madai kwamba
kikao hicho kilikuwa batili,huku akitaka kutoa salamu za wilaya hatua
iliyomlazimu Mwenyekiti wa Halmashauri hiyo amuamuru aketi naye kutokuwa tayari
kutii amri hiyo.
Baada
ya marumbano makali ambapo Madiwani kwa pamoja waliungana kumsakama Mkuu huyo
wa wilaya kwa madai anampendelea Mkurugenzi,ilimlazimu kiongozi huyo wa
serikali atoke nje ya ukumbi wa mkutano na kuacha madiwani wakisisitiza
maazimio yao ya kuwasimamisha vigogo hao wa Halmashauri.
Aidha
madiwani hao walishangazwa kwa kitendo cha Mkuu huyo wa wilaya kuonesha nia ya
kumkumbatia Mkurugenzi ilhali anafahamu fika uwepo ubadhirifu wa fedha za
Halmashauri hiyo,hivyo kuafikiana kuandika barua kwenda ofisi ya Rais
TAMISEMI,kueleza juu ya maamuzi yao hayo.
KUONA VIDEO MPYA BOFYA HAPA CHINI
