Halmashauri ya Msalala mkoani Shinyanga imetoa Sh milioni 526 kwa vikundi 39, huku Sh milioni 537.3 zikisalia kudaiwa. Anaandika Mwandishi Wetu.
Mkuu wa Wilaya ya Kahama, Francis Mlacha, alisema vikundi vya wanawake vinafanya vizuri, lakini vijana wanapaswa kuboresha marejesho ya mikopo wanayopatiwa.
Amesema mikopo hiyo haina riba, akiwataka wanufaika kuzingatia makubaliano na kutumia fedha walizopewa kwa malengo yaliyokusudiwa ili kujikwamua kiuchumi.
Mbunge wa Msalala, Mabula Magangila, amewahimiza wananchi kubuni miradi mikubwa, ikiwemo viwanda vidogo, huku mwenyekiti Mibako Mabubu akisisitiza ukusanyaji mapato.
Ofisa Maendeleo ya Jamii, Judica Sumari, amesema vikundi 16 vya wanawake, 15 vya vijana na nane vya watu wenye ulemavu vimenufaika.
Amesema halmashauri imepanga kuchangia Sh milioni 831.3 mwaka 2026/2027, huku Sh milioni 256.5 zikikusanywa hadi Oktoba 25; madeni yanahusisha vikundi 74.
KUONA VIDEO MPYA BOFYA HAPA CHINI
