IMEELEZWA
kwamba mpango wa kutoa mafunzo ya michezo kwa walimu wa shule za
msingi,sekondari na jamii unaoendeshwa na Mgodi wa dhahabu wa Bulyanhulu,uliopo
wilayani Kahama,unaomilikiwa na Kampuni ya ACACIA,utasaidia kukuza soka la
wanawake nchini.
Hayo
yalielezwa na Mwalimu wa Michezo katika Shule ya Msingi Kakola B,Sophia
Manganda Mang’erere,kwa kueleza kuwa fursa waliyopata ya kuhudhuria kozi ya
michezo ikijumuisha soka inayotolewa na klabu ya Sunderland ya Uingereza chini
ya ufadhili wa Mgodi wa dhahabu wa Bulyanhulu,utasaidia kukuza soka la
wanawake.
Alisema
soka la wanawake limekuwa halipigi hatua nchini kutokana na walimu wa mchezo
huo kuwa wanaume,jambo lisiloleta mazingira rafiki kwa wanawake kuucheza,lakini
kutokana na sasa kupatikana kozi za walimu wa kike katika soka kutasaidia
kuleta hamasa zaidi kwa watoto wa kike kucheza mchezo huo.
“Nashukuru
kampuni ya ACACIA kupitia Mgodi wake wa Bulyanhulu,kuona umuhimu wa kukuza soka
la wanawake kwa kuwashirikisha walimu wa kike kuhudhuria kozi ya mchezo huo,hii
itarahisisha kupatikana hamasa kwa wanawake kuupenda mchezo wa soka katika
wilayaya Kahama,ambao upo nyuma kwa soka la wanawake,”alisema Mang’erere.
Aidha
alisema atatumia kozi aliyoipata kuhamasisha wasichana mashuleni kushiriki soka
la wanawake na kuwapatia mafunzo ya msingi wa mchezo huo sambamba na mpira wa
pete,huku akiomba ngazi zinazohusika kuboresha soka la wanawake kwa kuanzisha
mashindano mbalimbali toka ngazi ya mashuleni,kata,wilaya,mkoa sambamba na ligi
Kuu ya soka la wanawake.
Kwa
upande wake Mwalimu wa jamii wa michezo ya Kandanda na mpira wa pete,John
Machimu,alisema kozi hiyo imemsaidia kuboresha taaluma yake hiyo,ambayo
ataitumia kuibua vipaji vya michezo hiyo kwa kutoa mafunzo yaliyokidhi vigezo
vya kitaaluma,hatua itakayosaidia kupata wanamichezo watakaokuwa na tija kwa
Taifa.
Nae
Kiongozi wa Michezo katika Mgodi wa Dhahabu wa Bulyanhulu,Charles
Mwandindi,alisema lengo la mafunzo hayo ni kusaidia walimu wa michezo hiyo kuwa
na utaalamu unaokubalika na ngazi ya michezo ya Taifa,ili kusaidia kukuza
vipaji vitakavyosaidia kupata wachezaji ambao watapeperusha vyema bendera ya
Taifa katika michezo hiyo.
Mwandindi
alisema mpango huo wa kuwapatia mafunzo walimu wa michezo utakuwa wa miaka
miwili,utakaoshirikisha walimu 59 wa michezo hiyo,ambapo miongoni mwake
wanawake ni 14,kati yao sita ni kutoka Shule za Misingi na nane kutoka katika
Jamii.
Alisema
katika mafunzo hayo yaliyotolewa na mwalimu wa michezo kutoka timu ya
Sunderland ya Uingereza,yalihusisha walimu wa michezo kutoka Halmashauri ya
Msalala,wilayani Kahama na Nyanghw’ale toka wilayani Nyanghw’ale,na yalikuwa ya
hatua ya awali huku hatua ya pili ikitarajia kuanza mwezi Mei mwaka huu.
Alibainisha kwamba mafunzo hayo kwa mchezo wa
soka washiriki wake wamepata leseni daraja D inayotambulika na TFF,yalijumuisha
walimu wa kiume kutoka katika jamii 28,wanne kutoka Shule za Sekondari na
wanaume kumi kutoka shule za msingi na maafisa michezo watatu kutoka kila
wilaya.
