RAIS JPM AWAPUNGUZIA MZIGO WA KODI WATUMISHI

BOFYA HAPA CHINI KUONA MAAJABU YA LEO

 

Na Jackson Bahemu,

 RAIS wa Jamhuri ya Muungano wa Tanzania Dk.John Magufuli,  amepunguza kodi ya mshahara kwa watumishi (PAYE) toka asilimia 11 mpaka asilimia 9 huku akiwataka waajiri wote nchini kuhakikisha wanawapa mikataba ya ajira wafanyakazi wao .

Dk.Magufuli akizungumza katika sherehe za maadhimisho ya siku ya Wafanyakazi Kitaifa iliyofanyika katika Uwanja wa Jamhuri mjini Dodoma,amewasisitiza waajiri kuzingatia sheria za ajira kwa kuwapatia mikataba.

Rais ameongeza kuwa waajiri waakikishe makato ya mapato yao yanafikishwa katika mifuko ya kijamii bila kukosa na kuwataka watumishi kumvumilia kwani hataweza kuwaongeza mshahara bali anapambana kuinua uchumi na kuziba mianya ya rushwa na ufisadi.

  Aidha ameelezea juu ya zoezi linaloendelea nchi nzima la watumishi "misukule"kuwa mpaka jana ni watumishi hewa 10,295 huku watumishi 8,373 wanatoka Tamisemi na 1,922 wakiwa ni watumishi toka serikali kuu.

 Akifafanua hasara iliyosababishwa na watumishi misukule wameigharimu serikali bilioni 11.6 kwa mwezi sawa na bilion 139 kwa mwaka mzima.

Akihitimisha hotuba yake Rais Magufuli amewataka wafanyakazi wote kuwa wachapakazi na kuwawaadifu katika majukumu yao pia kuwa wazalendo kwa nchi yao.

KUONA VIDEO MPYA BOFYA HAPA CHINI