IMEBAINISHWA
kwamba kutotekelezeka kwa ahadi ya
kujengwa nyumba 342 za wahanga wa Kata ya Mwakata wilayani Kahama,aliyotoa Rais
Mstaafu Jakaya Kikwete,ilitokana na mikakati ya serikali kubaki madarakani
katika uchaguzi Mkuu wa Oktoba 25,2015,na kwamba
ujenzi huo utatekelezwa hivi karibuni.
Hayo
yalibainishwa na Mkuu mpya wa Mkoa wa Shinyanga Anne Kilango katika ziara yake ya kwanza tangu ateuliwe kushika nafasi
hiyo,na kuamua kutembelea waathirika wa mvua ya mawe wa Mwakata
Wilayani Kahama na kuahidi ahadi ya serikali ya awamu ya nne ya kujenga nyumba
342 itatekelezwa.
Kilango aliyeteuliwa katika uteuzi mpya wa Rais John Magufuli na
kuanza
kazi rasmi Mkoani Shinyanga Machi 21
mwaka huu,alisema ahadi hiyo ilichelewa
kutekelezeka kutokana serikali ya awamu ambayo ilikuwa ya CCM kuwa katika
mikakati ya kuhakikisha inaendelea kushika dola.
“Naomba
mniamini suala hili nitalishughulikia kwa nguvu na litakamilika,mtambue
lilichelewa kutokana na mwaka jana kuwa wa uchaguzi,kwakuwa ahadi hiyo kuahidiwa na serikali ya awamu ya
nne iliyokuwa ya Chama Cha Mapinduzi ambacho mpaka sasa
kinaendelea kutawala hivyo ahadi yake hiyo serikali ya awamu ya tano
itaitekeleza kwani sasa ni muda muafaka,”alisema
Kilango.
Awali akifungua mkutano huo wa hadhara uliofanyika
katika kijiji cha Mwakata,Diwani wa Kata ya Mwakata,Ibrahim Masanja,alimweleza Mkuu wa Mkoa huyo kuwa uchumi katika eneo hilo umedumaa kutokana na wananchi kutokuwa
na makazi imara na kusababisha waishi maisha magumu huku wengi wao wakilala maeneo
hatarishi.
Masanja alisema ahadi ya
ujenzi huo iliwafanya wengi wao kutojenga nyumba za kudumu kwa kusubiri kujengewa
kama walivyoahidiwa ambao kwa sasa wanaishi kwa ndugu zao kwa kubanana,na baadhi wakilala nje na kuchanganyikana na mifugo
hivyo kuhatarisha afya zao,hivyo kuitaka serikali kuangalia watu hao kama walivyoahidi.
Hata
hivyo katika
eneo hilo tangu maafa hayo yatokee huku Rais Mstaafu kuahadi ahadi hiyo Kikwete,kuna jitihada
mbalimbali zilizofanywa na wadau ikiwemo kampuni ya Acacia kupitia mgodi wake
wa Buzwagi iliyojenga nyumba za mfano tatu kwa gharama ya zaidi ya shilingi
milioni 70 ambayo serikali ilisema ingejenga nyumba hizo kwa mfano huo
Pamoja na kampuni hiyo ya
Acacia kujenga nyumba hizo serikali ilisema nyumba hizi zitakuwa na gharama
kubwa hivyo Halmashauri ya Msalala ilijenga nyumba zingine za mfano ndogo zaidi
mbili zenye thamani ya shilingi zaidi ya milioni 14 lakini hata hivyo pamoja na
gharama kupungua kutoka milioni 70 mpaka sasa hakuna utekelezaji uliofanyika wa kuwakamilishia wananchi hao nyumba.
Nae
Mkuu
wa Wilaya ya Kahama, Vitta
Kawawa, aliwakumbusha wananchi hao jitihada za serikali
ilizozifanya kukabiliana na majanga waliyoyapata na kuwataka kuwa ni wenye
shukrani huku akisisitiza kuwa suala lao litakamilika kutokana na mkuu wa mkoa
huyo kumfahamu ni mchapakazi na mfuatiliaji kwa kina kuhakikisha kero za
wananchi zinatatuliwa.
Wananchi hao mwezi machi 4
mwaka jana walikumbwa na mafuliko ya mvua kubwa ya mawe iliyosababisha watu 47
kupoteza maisha yao na wengine mia 900 kutosa mahala pa kuishi kutokana na
nyumba zao 403 kubomolewa na mvua hiyo ingawa baada ya tathimini zilibainika
nyumba 342 kuonekana haziwezi kukarabatiwa tena zinahitaji kujengwa upya.
